Traspés

Este sábado 13 de Novembro, os nosos pandereteiros participarán no Festival Solidario pro nenos do Sáhara, no auditorio de Vilagarcía de Arousa.

O festival dará comezo as 20.00h, e contará coa participación dos seguintes grupos:
• Nos de Sobradelo
• Pandereteiras Urdime
• Pandereteiros Traspés
• Mar de Arousa
• Asociación Muiños do Vento
• Pandereteiras de Catoira

As persoas asistentes entrarán no sorteo de un GPS, un TDT e un reloxio para home. O donativo será de 3 €.
Agardamos vervos por alí.

Finalmente, O Grupo de Baile e Música Tradicional Traspés co motivo dos actos de celebración en homenaxe ó Bicentenario da Cidade de Vigo estará presente no Festival Folclórico na Praza do Bicentenario (nova rotonda da rúa Venezuela, subida ó Castro) este sábado 6 de novembro ás 17.45 h.

A celebración comezará as 17 horas coa participación de agrupacións da cidade e arredores como Tangaraño, Froles Novas, Os ventos de Comesaña, Escola Municipal de Danza e Percusión Tradicional, Semente da arte galega, Corisco, Atlántida de Matamá, O Fiadeiro, Andarela, Lembranzas Galegas, A Buxaina e Traspés.

English to Danish

Despois de moito traballo e esforzo, o grupo artístico da nosa asociación acadou a medalla de ouro nas XI Xornadas de Danza e Música Tradicionais Galegas, que tiveron lugar no Teatro Caixanova de Vigo o pasado sábado 30 de outubro.
Tras unha longa deliberación, o xurado acordou o seguinte resultado:

Categoría de baile
1º premio:  Traspés (Vigo)
2º premio: Colexiata de Sar (Santiago de Compostela)
3º premio: Xirandola (Bandeira)
4º premio: Flores Novas (Lavadores-Vigo) e A Buxaina (Coruxo-Vigo)
5º premio: A Carballeira (Cercio-Lalín)

Premio ó mellor acompañamento: A Buxaina (Coruxo-Vigo)
Premio ó mellor vestiario: Colexiata de Sar (Santiago de Compostela)
Premio á mellor coreografía arranxada: Flores Novas (Lavadores-Vigo)

Noraboa a tódolos participantes.

Momento da nosa segunda intervención nas Xornadas