Archive for octubre, 2012

Traspés novamente medalla de ouro nas Xornadas de Danza e Música Tradicionais Galegas do Concello de Vigo


2012
10.31

Ola amigos!!!
Como ben sabedes este pasado sábado, día 27 de outubro, celebráronse no Auditorio/Palacio de Congresos Mar de Vigo as XIII Xornadas de Danza e Música Tradicionais Galegas organizadas pola Asociación Interfolk coa colaboración do Concello de Vigo.
As agrupacións participantes foron a Asociación Cultural Andarela (Vigo), Asociación Cultural Seixebra (Moraña), Asociación Folclórica Colexiata do Sar (Santiago de Compostela) e Asociación Cultural Traspès (Vigo); quedando a clasificación da seguinte maneira:

 

 1º Premio: Asociación Cultural Traspès
2º Premio: Asociación Folclórica Colexiata do Sar
3º Premio: Asociación Cultural Seixebra
4º Premio: Asociación Cultural Andarela

 

Premio ao mellor grupo de acompañamento: Asociación Cultural Traspès
Premio ao mellor vestiario: Asociación Cultural Traspès
Premio á mellor coreografía arranxada: Asociación Folclórica Colexiata do Sar

 

Noraboa a tódolos grupos participantes!!

language translator

XIII Xornadas de Danza e Música Tradicionais Galegas


2012
10.03

Este domingo día 7 de outubro, ás 19,00 horas, comezan as xa tradicionais XIII Xornadas de danza e música tradicionais galegas, organizadas pola Asociación Cultural Interfolc en colaboración coa Concellería de Cultura e Festas; o acto de presentación terá lugar no auditorio do CVC de Valadares e actuarán os grupos folclóricos “Tarabelo” da Escola Municipal de Danza, “Lembranzas Galegas” e “Corisco”, ademais do coro tradicional “Cantares de Brión”. A entrada será libre ata esgotar aforamento.

O sábado 27 de outubro, ás 19,00 horas, terá lugar no auditorio “Mar de Vigo” a final das xornadas, coa participación dos grupos “Andarela” (Vigo), “Colexiata do Sar” (Santiago), “Seixebra” (Moraña) e “Traspés” (Vigo); tamén actuará como invitado o coro tradicional “Cantares de Brión”. A entrada será libre ata esgotar aforamento.

Os tres primeiros premios están dotados con 2.000 €, 1.000 € e 500 €, respectivamente.

Agardamos que as disfrutedes e que non faltedes para animar as vosas agrupacións.

Traspés no Luar da TVG


2012
10.03

Este venres día 5 de outubro, o noso grupo de baile actuará no programa Luar da Televisión de Galicia.

A hora prevista para a actuación é a partir das 22.00h. máis ou menos.

Non o podedes perder!!!

Traspés xa ten lotería de Nadal !!!


2012
10.03



Este ano, a nosa asociación ten participacións do sortedo da lotería de nadal, o número que escollemos e o 10536, non sabemos se vai tocar ou non, o que si sabemos, e que se queres ser un dos posibles agraciados no sorteo, so tes que pedirlla a algún dos compoñentes da nosa agrupación.

Por tan so cinco  euros, xogando catro e donando un a nosa asociación.

Non quedes sen ela!!!!!!