Archive for septiembre 1st, 2013

Despois das vacacións… Volta ó traballo…


2013
09.01

Despois dun par de semanas de vacacións ao regreso da nosa aventura polo Festival Interceltique de Lorient, toca volta ao traballo, con máis ganas, ilusións e proxectos en mente.

 


Antes de nada, queremos agradecer  a nosa participación en Lorient, comenzando por Pablo Seoane, quen nos brindou esta oportunidade; as nosas intérpretes Ela e Gaele pola súa atención e dedicación; aos nosos compañeiros de escenario a Banda de Gaitas de Forcarei polo seu trato e foliadas nocturnas; aos nosos veciños asturianos, a carpa de Galicia, a todos cos que trouleamos un bo rato e como non a todos os compoñentes de Traspés.

 

 

Entre eses proxectos, está a creación da nosa escola, a cal aínda estamos a organizar o mellor posible para que non teñades ningún problema á hora de informarvos e apuntarvos. Temos pensado comezar a primeiros de outubro se non hai ninguna complicación. Se tedes algunha actividade que considerades interesante, non dubidedes en comunicárnolo e faremos o posible por incluíla nas nosas actividades.

 


Esperamos que todo sexa do voso agrado, e se tendes alguna consulta que facernos, recordade que podedes facela a través do noso correo electrónico ou telefonicamente.

 

 

Grazas unha vez mais por crer en nós.