Traspés

O sábado, día 1 de agosto, as nosas seccións musicais marchan a terras ourensanas a tocar nunha festa das que xa teñen sona… A XXXVI Festa do Pemento de Arnoia 2015.

Dende as 12 do mediodía, e tamén a partir das 19:30 da tarde, poderedes gozar da música da nosa charanga, que estará amenizando a velada nesta Festa do Pemento que se celebra no concello de Arnoia.

Por se fora pouco, ás 22 h., e no mesmo lugar, dará comezo o I Festival Certame de Pandereteiras «Arnoia Viva» onde participarán o noso grupo de pandereteiras, e tamén o grupo de pandereteiros, ademáis estarán as pandereteiras de Brincadeira e A Subela.

Vas perder este gran día?¿?¿ Nós non… E veña festa!!

Esperámosvos a todos en AR NO IA… e veña pemento ♥

Mañá, luns 27 de xullo, Traspés amenizará as rúas do Príncipe e Montero Ríos con motivo da programación das festas do Cristo da Victoria.

Ás 20:30 arrancaremos dende o MARCO percorrendo a rúa do Príncipe e facendo algunha actuación pola citada rúa, seguidamente desfilaremos pola Praza da Constitución, rúas Oliva e Laxe ata chegar á rúa Montero Ríos, onde ademáis de percorrela cun desfile, faremos tamén algunha pequena actuación.

Esperámosvos a todos neste acto encadrado dentro da Semana Grande das Festas de Vigo 2015.

A troulear!!

Outro ano máis, chega a Vigo a festa da cultura organizada pola Agrupación de Centros Deportivos e Culturais, unha festa na que se poden ver as actuacións dos distintos grupos pertencentes ás asociacións federadas, ademáis de concertos de grupos convidados.

O Grupo de Música e Baile Tradicional Traspés actuará o sábado 25 de xullo ás 20:30, no escenario que teñen para a ocasión na Porta do Sol.

Pásate por esta bonita festa, se non ves a ver a nosa actuación, pasa a ver algunha outra, e non perda-los concertos da noite!!

Esperámosvos a todos por alí!!

https://www.facebook.com/events/349064288600685/

Este sábado, día 11 de xullo, ás 22:30 h., o noso grupo de pandereteiras estará no Eirado de Cela (Bueu) participando na II Retro-Foliada que organiza o grupo Retrouso.

Ademáis tamén participarán Ultreia, A Mámoa de Luou, Virutas de Ébano e Os Micos. Despois da intervención destes grupos é unha foliada aberta (serán), polo que se queredes tocar e cantar podedes achegarvos e apuntarvos no momento.

Esperámosvos a todos por alí para botar unhas bailas!!

FEEEEEESSSSTAAAAAAA!!!