Traspés

O Grupo de Música e Baile Tradicional Traspés estará este sábado 29 de abril ás 20 h., actuando na Praza do Emigrante (As Travesas –  Vigo) xunto aos grupos O Coto, Atlántida de Matamá e Cotogrande de Cabral.

Tamén haberá máis actuacións por distintos puntos da cidade, como son:

Praza da Pedra: Valladares, Corisco e Queixumes.

Museo MARCO: Andarela, O Fiadeiro e Os Ventos de Comesaña.

Mercado do Calvario: Froles Novas, Helios, A Buxaina e Monteira.

Esperámosvos a todos nas Travesas para conmemorar o Día da Danza…

VEN TROULEAR CON NÓS!!

Este sábado, día 22 de abril, os Pandereteiros Traspés, darán un pequeno concerto dentro dos actos da Aña Urbana de Pontevedra que organiza a Asociación Cultural Trépia.

A actuación dará comezo ás 19:30 h. na carpa que haberá na Praza do Concello de Pontevedra, onde, a continuación, se celebrará tamén un serán no que poden tocar e bailar todas aquelas persoas que o desexen e se acheguen ata alí.

Ademáis durante todo o día hai moitos máis actos coma obradoiros, actuacións varias por tódalas rúas da cidade, visitas a exposicións… podedes ver toda a información no seguinte enlace: http://www.trepia.org/novas/596-ana-urbana-2017.html

Esperámosvos a todos por alí… VEN TROULEAR CON NÓS… a Pontevedra!!

Boas amig@s,

Outro ano máis chega o Concurso de Canto e Percusión Tradicional que organizamos desde a Asociación Cultural Traspés, esta V edición terá lugar no Auditorio do Teatro Afundación Vigo o día 21 de maio en horario de mañá e tarde dependendo da Categoría.

O prazo para a inscrición remata o día 1 de maio e o único medio para facela é enviando a folla cuberta ao noso correo electróncio traspes@traspes.com … non demoredes en apuntarvos.

Adxuntamos nesta entrada as bases e a folla de inscrición.

Un saúdo e vémonos pronto!

Bases V Concurso Canto e Percusión Tradicional Traspés

Folla de inscrición V Concurso de Canto e Percusión Tradicional Traspés

Esta tarde pechamos a Asociación durante unha semaniña para disfrutar da Semana Santa. Estaremos de vacacións desde o luns día 10 ata o domingo día 16, o día 17 reanudamos as actividades.

Pasádeo ben neste descanso!! Vémonos nunha semana…

Aproveitamos esta entrada para compartir con todos vós as bases e a folla de inscrición da presente edición do Concurso de Canto e Percusión Tradicional, que terá lugar o día 21 de maio no Auditorio do Teatro Afundación Vigo.

Bases V Concurso Canto e Percusión Tradicional Traspés

Folla de inscrición V Concurso de Canto e Percusión Tradicional Traspés