Traspés

O vindeiro sábado día 10 de xuño, a partir das 22 h., celebramos o VII Serán na Alameda de Sárdoma, ao carón da igrexa.

As inscricións para tocar na festa faranse «in situ» por orde de chegada, e coma tódolos anos acompañarannos grupos de toda Galicia para facernos bailar e divertirnos coa súa música.

Haberá comida, roscón e chocolate de balde para tódolos asistentes, e tamén teremos carpa por se ven o mal tempo!

Non o penses máis e VEN TROULEAR CON NÓS!! Anota a data na axenda, e que non cho conten…

Antes de publicar os resultados do noso V Concurso de Canto e Percusión Tradicional, reiterar o noso agradecemento aos patrocinadores do mesmo: Excelentísima Deputación de Pontevedra, Concello de Vigo, Agrupación de Centros Deportivos e Culturais de Vigo, Codisoil S.A., Carmencita La Contenta, De Cotío, Instalaciones del Noroeste S.A. e Contradición. Tamén aos colaboradores: Obradoiro de Costura Saiáns, Xesleio, Obradoiro de gaitas Gil, Obradoiro de gaitas Antón Corral, Obradoiro de gaitas Afonso Castro, Téqueletéquele, Bulideira, Cielito Lindo e Ofint. E como non podía ser doutro xeito, moitísimas grazas tamén aos tres membros do xurado que non o tiveron nada fácil: Leni Pérez, Chus Uzal e Miro Regueira.

Neste V Concurso de Canto e Percusión Tradicional os premios foron os seguintes:

Categoría A, que comprende nenos e nenas ata os 11 anos de idade:

1º Premio: Os Batáns da A.C. Os Xeitosos de Trazo

2º Premio: Gharabullos da A.C.F. Tarambainas (Vigo)

3º Premio: Galdrumeiras da A.C. O Amanexo (Oleiros)

Accésit de Vestiario: Grupo C da A.C. Rosalía de Castro (Teo)

Categoría B, con nenos e nenas de idades comprendidas entre os 12 e 16 anos:

1º Premio: Soalleira da A.C. Soalleira de Dorrón (Sanxenxo)

2º Premio: Soalleiriños da A.C. Soalleira de Dorrón (Sanxenxo)

3º Premio: Grupo B da Escola de Muiñeira Cantigas e Agarimos (Santiago de Compostela)

Accésit de Vestiario: Tahúme do G.B.M.T. Tahúme (Riveira)

Categoría C, que engloba a persoas maiores de 17 anos:

1º Premio: Aldomir da A.C. A Mámoa de Luou (Teo)

2º Premio: Barallocas da A.C. O Amanexo (Oleiros)

3º Premio: Pandereteiras da A.C. Rosalía de Castro (Teo)

Premio ao mellor vestiario: Lagharteiras da A.C.F. As Lagharteiras (Mos)

Moitísimas grazas a tódolos grupos pola súa participación, e PARABÉNS por ese traballo tan ben feito!! 

Este domingo, día 21 de maio, celebraremos o noso V Concurso de Canto e Percusión Tradicional no Auditorio do Teatro Afundación (Vigo), coa entrada pola rúa Marqués de Valladares.

Coma en anos anteriores teremos dúas sesións, a da mañá que dará comezo ás 11 h. coas Categorías A e B, que corresponden aos grupos formados por rapaces e rapazas ata 16 anos, e a da tarde coa Categoría C que comezará ás 17 h., que comprende os grupos con integrantes maiores de 17 anos. En ámbalas dúas sesións haberá unha pequena exhibición, mentres delibera o xurado, por parte do noso grupo de pandereteiras (pola mañá) e o noso grupo de pandereteiros (pola tarde).

Este concurso non sería posible sen o patrocinio de:
Excma. Deputación de Pontevedra
Concello de Vigo
Agrupación de Centros Deportivos e Culturais de Vigo
Codisoil S.A.
Carmencita La Contenta
De Cotío
Instalaciones del Noroeste S.A. (INSA)
Contradición

E tamén a colaboración de:

Obradoiro de Costura Saiáns
Obradoiro de gaitas Gil
Obradoiro de gaitas Antón Corral
Obradoiro de gaitas Afonso Castro
Xesleio tradición e artesanía
Casa Cielito Lindo
Téqueletéquele
Bulideira
Ofint

Esperámosvos a todos o domingo en Afundación!!

VEN TROULEAR CON NÓS…

O vindeiro domingo, día 21 de maio, ás 18 h. na Sociedade Cultural, Deportiva e Recreativa Helios de Bembrive (Vigo), terá lugar o IV Festival de Baile Moderno que organiza a Agrupación de Centros Deportivos e Culturais de Vigo, no que ademais do noso grupo de Escola de Baile Moderno, participarán tamén o grupo Atlántida, Helios e Flashdance.

Se queres pasar unha tarde de domingo vendo bailar coreografías con músicas actuais ás novas xeracións, xa sabes a onde asistir… ESPERÁMOSTE!!

Este vindeiro venres, día 12 de maio ás 19 h., a nosa Escola de Pandeireta e Canto Tradicional Infantil participará na II Xuntanza Folclórica da Mocidade Henrique Otero que se celebra co motivo da Semana da Música e das Letras Galegas 2017 no auditorio do Conservatorio Profesional de Música de Vigo.

Se queredes pasar unha tarde chea de cativos con moitas ganas de facer folclore, xa sabedes a onde acudir!!