Desde o día 23 de decembro (2017) ata o día 07 de xaneiro (2018), a Asociación Cultural Traspés permanecerá pechada con motivo das vacacións de nadal.
Para calquera consulta, coma sempre, podedes poñervos en contacto con nós no correo electrónico traspes@traspes.com, a través do noso facebook traspès, ou no teléfono 886 116 033.
Pasade unhas felices festas cos vosos seres queridos, vémonos á volta (o día 08 de xaneiro).
A Asociación Cultural Traspés deséxavos unhas felices festas e un novo ano cheo de éxitos!!
Bo nadal para todos…
Este venres, día 22 de decembro, ás 17 h., o noso grupo de pequenas pandereteiras, xunto aos grupos da Asociación Veciñal do Casco Vello e Tarambainas, recibirán ao Apalpador na Praza do Berbés.
Achégate ata o Casco Vello e recíbeo con nós, tocando, cantando e bailando…
Esperámoste!!
Este venres día 08 de decembro, o Grupo de Música e Baile Tradicional Traspés, actuará xunto ao grupo Queixumes e aos grupos Aturuxo, Amieiras e Ledicias, no Encontro Folclórico que organiza a Área de Cultura do Centro Veciñal e Cultural de Valladares (Vigo).
A cita terá lugar no auditorio da nomeada entidade.
Xa tes plan para esta ponte… Achégate a Valladares…
VEN TROULEAR CON NÓS!!
Este domingo, día 3 de decembro ás 18 h., o Grupo de Música e Baile Tradicional Traspés percorrerá a zona de San Paio de Navia con motivo das «animacións de rúa polo nadal» que organiza o concello de Vigo.
Haberá pequenas actuacións por distintos puntos do barrio.
Anímate e achégate ata Navia… VEN TROULEAR CON NÓS!!
