Traspés

Este vindeiro sábado, 28 de abril, Traspés estará actuando na Praza da Princesa con motivo do Día Internacional da Danza.

O acto comezará ás 18:45 coa lectura do Manifesto do Día Internacional da Danza 2018, e de seguido realizaranse as actuacións dos grupos: Os Ventos de Comesaña, Queixumes e Traspés.

Ademáis deste acto central, haberá máis actuacións simultáneas por distintas prazas da cidade: Praza do Emigrante (As Travesas), Praza da Pedra (Casco Vello), Mercado do Calvario ou no MARCO (Rúa do Príncipe), todo organizado e coordinado pola Agrupación de Centros Deportivos e Culturais de Vigo.

Esperámoste… VEN TROULEAR CON NÓS!!

O vindeiro día 20 de maio, no Auditorio do Teatro Afundación Vigo, terá lugar o VI Concurso de Canto e Percusión Tradicional Traspés en horario de mañá e tarde dependendo da categoría.

O prazo de inscrición remata o 1 de maio, e o único medio para facela é enviando a folla cuberta ao noso correo electrónico traspes@traspes.com, non demoredes moito en anotarvos.

Adxuntamos nesta entrada as bases e folla de inscrición:

Bases VI Concurso de Canto e Percusión Tradicional Traspés

Folla de inscrición VI Concurso de Canto e Percusión Tradicional Traspés

Outro ano máis chega á cidade olívica a Festa da Reconquista, e Traspés estará presente co seu posto de bebida, comida e doces.

Desta volta a nosa ubicación é na Rúa Joaquín Yáñez (ao final de todo, esquina con Rúa Oliva)… así que pásate por alí para disfrutar de música e baile da nosa terra durante os días 7 e 8 de abril.

VEN TROULEAR CON NÓS!!