Este venres día 31 de maio, o Grupo de Música e Baile Tradicional Traspés actuará, como grupo convidado, no XLVIII Día da Muiñeira de Pontevedra que organiza a Asociación Duos Pontes.
O acto terá lugar na Avenida Montero Ríos a partir das 20 h.
Ven troulear con nós!
Vémonos o venres na Boa Vila…
Non podemos publicar os resultados do noso VII Concurso de Canto e Percusión Tradicional, celebrado hoxe día 26 de maio de 2019, no Auditorio do Teatro Afundación (Vigo), sen antes reiteirar o noso agradecemento a patrocinadores e colaboradores.
Este concurso foi patrocinado polas seguintes entidades: Excelentísima Deputación de Pontevedra, Concello de Vigo, Agrupación de Centros Deportivos e Culturais de Vigo, Panadería e catering El Trigal, Codisoil S.A., De Cotío e Cóctel bar Sinatra.
Tamén colaboraron no mesmo, as seguintes empresas: Intalaciones del Noroeste S.A. (INSA), Obradoiro de costura Saiáns, Obradoiro de gaitas Gil, Obradoiro de gaitas Afonso Castro, Obradoiro de gaitas Seivane, Mercería e complementos tradicionais Crespo, Pelomanía by Ani, artesán Sito Guimeráns, restaurante Cielito Lindo e Bulideira.
E por suposto, agradecer aos nosos membros do xurado por acceder a relizar este dificultoso traballo: María Xosé Martínez, Ana Edreira e Gustavo Couto.
Neste VII Concurso de Canto e Percusión Tradicional Traspés, os premios foron os seguintes:
Categoría A, que comprende nenos e nenas ata os 11 anos de idade:
1º Premio: As Buxainiñas, do C.R.A.C. de Coruxo (Vigo)
2º Premio: Pingas de son, da A.C. Xacarandaina (A Coruña)
3º Premio: Grupo D, da escola de muiñeira Cantigas e Agarimos (Santiago de Compostela)
Accésit de vestiario: Grupo C, da A.C. Rosalía de Castro de Cacheiras (Teo)
Categoría B, con nenos e nenas de idades comprendidas entre os 12 e os 16 anos:
1º Premio: Soalleiriños, da A.C. Soalleira de Dorrón (Sanxenxo)
2º Premio: As mosas do Hío, da A.C. Peis d’hos (Cangas do Morrazo)
3º Premio: Luís e Bieito, da A.F. Santiaguiños (Boimorto)
Accésit de vestiario: Os d’eiquí de Taboada
Categoría C, que engloba a mozos e mozas maiores de 17 anos:
1º Premio: Meniñas, da A.C.F. Tarambainas (Vigo)
2º Premio: Pandereteiras da A.C. Rosalía de Castro de Cacheiras (Teo)
3º Premio: Grupo A, da A.C. Retranqueiros (Ames)
Premio ao mellor vestiario: Grupo A, da escola de muiñeira Cantigas e Agarimos (Santiago de Compostela)
Moitísimas grazas aos 43 grupos pola súa participación neste certame, e PARABÉNS por ese traballo tan ben feito!!
Este domingo día 26 de maio, o Grupo de Baile Moderno da Escola da A.C. Traspés estará actuando no VII Festival de Baile Moderno que organiza a Agrupación de Centros Deportivos e Culturais de Vigo, o evento terá lugar no auditorio da Sociedade Cultural, Deportiva e Recreativa «Helios» de Bembrive (Vigo) ás 18 h.
Xunto ao noso grupo, actuarán tamén: As Sereas de Valladares, Giros de Atlántida de Matamá e Helios de Bembrive.
Este domingo, día 26 de maio, vai ter lugar unha nova edición do noso Concurso de Canto e Percusión Tradicional, coma sempre, será no Auditorio do Teatro Afundación (Vigo), que ten a entrada pola rúa Marqués de Valladares.
Ao igual que en anos anteriores, no VII Concurso de Canto e Percusión Tradicional Traspés, teremos dúas sesións, a da mañá que dará comezo ás 11 h. coas categorías A e B, que corresponden aos grupos formados por rapaces e rapazas de ata 16 anos, e a da tarde coa categoría C que comezará ás 17 h., que comprende os grupos con integrantes maiores de 17 anos. En ámbalas dúas sesións haberá unha pequena exhibición, mentras delibera o xurado, por parte do noso grupo de pandereteiras (pola mañá) e o noso grupo de pandereteiros (pola tarde).
Este concurso non sería posible sen o patrocinio das seguintes entidades:
E tamén cos seguintes colaboradores:
Este sábado día 4 de maio, os Pandereteiros Traspés participarán no III Festival INTERRITMOS: Baile e música tradicional.
A cita terá lugar ás 20:45 h. na Praza da Porta do Sol de Ribeira (A Coruña).
VEN TROULEAR CON NÓS!!
