A oficina da Asociación Cultural Traspés, permanecerá pechada durante o mes de agosto.
Para contactar con nós, podedes facelo a través do correo electrónico traspes@traspes.com, teléfono 886 116 033, facebook traspès, instagram traspess ou twitter @trasps1.
Pasade un bo verán!!
Este vindeiro mércores día 24 de xullo, co gallo da Celebración do Día de Galicia, as Pandereteiras e os Pandereteiros Traspés andarán a partir das 19:30 h., tocando e cantando en distintos puntos da Zona Teis Centro Comercial Aberto.
VEN TROULEAR CON NÓS!! E coñece os distintos negocios e locais do entorno…
Este sábado día 13 de xullo, as pandereteiras e os pandereteiros Traspés estarán participando na Retrofoliada que organiza o grupo Retrouso.
A cita terá lugar no Eirado de Cela (Bueu) a partir das 22 h.
VEN TROULEAR CON NÓS!!
Outro ano máis chega a Festa da Cultura de Vigo que organiza a Agrupación de Centros Deportivos e Culturais da Cidade. Nesta ocasión será os días 11, 12 e 13 de xullo, e coma sempre a cita terá lugar na Porta do Sol.
O Grupo de Música e Baile Tradicional Traspés actuará na nomeada festa o sábado día 13 de xullo, comezando o seu pararrúas desde a Sede do Celta de Vigo ás 19:50 h. e facendo a súa intervención no Sireno ás 20:15 h.
Deixamos aquí abaixo toda a programación coas distintas actuacións e concertos programados.
Ven troulear con nós!
