Outro ano máis, xa temos en Traspés a lotaría de Nadal co mesmo número de tódolos anos, o 10.536…
Para conseguila podes pasar pola asociación ou poñerte en contacto con calquera dos compoñentes do Grupo de Música e Baile Tradicional Traspés.
Son participacións de 5 €, e recorda, esta sempre toca!!
Este domingo día 27 de outubro, o Grupo de Música e Baile Tradicional Traspés estará no auditorio da S.C.D.R. Helios de Bembrive (Vigo) a partir das 18 h. no encontro folclórico que organiza a Agrupación de Centros Deportivos e Culturais de Vigo.
Ademais tamén estarán no encontro os grupos Andarela e Helios de Bembrive.
VEN TROULEAR CON NÓS!!
Este vindeiro venres día 25 de outubro, a partir das 23 h., n’A nave de Vidán (Santiago de Compostela), estará actuando o noso grupo de pandereteiros no Serán que organiza a asociación Seráns en Compostela.
Xunto a eles estarán dous grandes grupos como son Rosalía de Castro (Cacheiras) e Os Campantes da Baña… Despois hai foliada aberta para que toquemos e bailemos todos xuntos.
VEN TROULEAR CON NÓS!!
