Traspés

Desde a Asociación Cultural Traspés, desexámosvos a todos que teñades un Bo Nadal e un Feliz 2020 cargado de moita música e moito baile.

Boas Festas!!

Marchamos de vacacións…

Desde o vindeiro luns día 23 de decembro, ata o martes 7 de xaneiro, a Asociación Cultural Traspés estará pechada, así como tamén estarán de descanso as súas aulas de escola (ámbolos días incluídos).

Para contactar con nós nestes días, podédelo facer a través de calquera das redes sociais (facebook, instagram, twitter), correo electrónico (traspes@traspes.com) ou teléfono (886116033).

Desfrutade destas datas coas vosas familias e que teñades un bo Nadal e unha boa entrada de ano!!

O venres día 27 de decembro, o Grupo de Gaitas e Percusión da Escola da Asociación Cultural Traspés, andará de 19 a 20 h. facendo un percorrido pola zona de Pereiró, dentro da programación de animación de rúa polo Nadal do Concello de Vigo.

VEN TROULEAR CON NÓS!

O luns día 23 de decembro, o Grupo de Gaitas e Percusión da Escola da Asociación Cultural Traspés, andará de 19 a 20 h. facendo un percorrido pola rúa Sanjurjo Badía, dentro da programación de animación de rúa polo Nadal do Concello de Vigo.

VEN TROULEAR CON NÓS!

O sábado día 21 de decembro, ás 17 h. na Praza da Industria de Vigo, celebrarase a chegada do Apalpador, e para poñerlle unha nota de música ao evento, estará o noso Grupo Infantil da Escola de Pandeireta da Asociación Cultural Traspés.

VEN TROULEAR CON NÓS!

Este sábado día 21 de decembro, o Grupo de Música e Baile Tradicional Traspés actuará en San Paio de Navia no programa de animación de rúas polo Nadal do Concello de Vigo.

Percorreremos as rúas do barrio desde as 12 do mediodía ata as 13 h.

VEN TROULEAR CON NÓS!