Este domingo, 26 de xuño, terá lugar a primeira Festa da Muiñeira de Vigo organizada pola Agrupación de Centros Deportivos e Culturais de Vigo.
O evento terá lugar na zona do Náutico a partir das 19:30 h., e ademáis da Escola de Baile Tradicional da Asociación Cultural Traspés, haberá unha morea de agrupacións olívicas que podedes consultar no cartaz.
Vén troulear con nós!
O día 19 de xuño ás 12 h. no local social da Asociación Cultural Traspés, terá lugar a Festa de Fin de Curso 2021/2022 no que farán unha pequena exhibición tódolos grupos da nosa escola.
Achégate e troulea con nós!
O vindeiro sábado día 11 de xuño, as Pandereteiras Traspés participarán no Gran Foliadón que se organiza dentro da programación do III Encontro Galego de Cultura Popular, Baile e Música Tradicional: pandeireteiras.
O acto comezará ás 22 h. na Cidade da Cultura de Santiago de Compostela.
Anímate e vén troulear con nós!
Este sábado, día 11 de xuño, o Grupo de Baile Moderno da Escola da Asociación Cultural Traspés, participará no Festival de Danza Moderna que organiza a Agrupación de Centros Deportivos e Culturais de Vigo.
O encontro terá lugar no auditorio do CSCR de Beade ás 19 h., e tamén estarán os grupos Flashdance de Cabral e O Fiadeiro.
Vén troulear con nós!
