O Grupo de Música e Baile Tradicional Traspés, estará desde o día 20 ao 30 de xullo representando o noso folclore no XXXVIII Festival Internacional de Folclore da Cidade do Porto, e no XXXVII Festival Internacional de Folclore de Paranhos.
Durante estes dez días percorrerá distintos lugares da cidade portuguesa nos que mostrará as músicas e os bailes de Galicia en pequenas intervencións organizadas polo Rancho Folclórico de Paranhos.
Se estás pensando en visitar Oporto, agora é o momento… VEN TROULEAR CON NÓS!!
Os grupos que participarán con nós son: «Uzory» de Rusia, «Burgisi de Marsala» de Italia, «Ekonóm» de Eslovaquia, «Marula» de Georgia, «Les Troubadoures du Mont Royal» de Francia, «Cultura e Tradición Mexicana» de México, e como non podía ser doutro xeito, «Rancho Folclórico de Paranhos da Beira», e os organizadores «Rancho Folclórico de Paranhos» de Portugal.
