Traspés

A Escola da Asociación Cultural Traspés nace coa intención de difundir a cultura tradicional e de servir como nexo entre o aprendido e a realidade cultural da tradición galega. O xeito innovador desta escola baséase nas novas solucións pedagóxicas e na absoluta contextualización dos contidos curriculares, sempre referidos á realidade tradicional e cultural de Galicia estritamente analizada e debidamente documentada.

O fin da escola é dar a coñecer a cultura galega, empregando todos os medios pedagóxicos ao alcance. Así, sen deixar de empregar a ferramenta didáctica básica da tradición oral, incorpóranse métodos  innovadores de aprendizaxe vinculados ás novas tecnoloxías: redes sociais e plataformas de comunicación para o traballo en equipo, xestión de proxectos online, imaxes, audios e vídeos na internet, etc.

A nosa escola está dividida en diferentes áreas:

• ÁREA TRADICIONAL

Baile Tradicional Galego · Canto Tradicional e Pandeireta · Gaita Galega  · Percusión Tradicional · Acordeón Diatónico · Requinta · Música para nenos/as · …

• ÁREA DE MOVEMENTO

Baile Moderno · Baile Irlandés · Bailes Latinos · Baile Africano · …

• ÁREA DE TRADICIÓNS E OFICIOS

Costura Tradicional e Pasamanería · Patronaxe · Xoiería Tradicional · …

• OUTRAS ACTIVIDADES

Linguaxe Musical · Guitarra · Ukelele · Saxofón · …

Horarios curso 2020/2021:

Prezos:

Tódalas nosas actividades teñen un prezo de 20 € ao mes facéndote socio/a (30 €/ano), para persoas non asociadas esta cota vese incrementada en 5 € máis cada mes.

Temos unha reducción de 5 € mensuais no prezo da segunda e sucesivas actividades para as persoas que se matriculen en varias aulas e para membros da mesma familia no primeiro grao de consanguinidade.

Inscricións:

• Correo electrónico: traspes@traspes.com
• Facebook: traspès
• Instagram: traspess
• Twitter: @trasps1
• Teléfono: 886 116 033
• Oficina: luns de 16 a 18:30 h., mércores de 16 a 21:30 h., xoves de 19 a 20:30 h.