Concurso de Canto e Percusión

2017
01.24

O Concurso de Canto e Percusión Tradicional Traspés, nace como resposta á necesidade de dar auxe a eventos que promovan a cultura galega e que sirvan, ademais, de motivación para as numerosas agrupacións e asociacións dedicadas á recuperación e conservación do noso folclore.

Esta necesidade non cuberta na zona sur de Galicia, así como a gran afluencia de colectivos que moven este tipo de eventos noutras provincias galegas, levounos a cubrir este baleiro cultural.

Desde a Asociación Cultural Traspés, queremos agradecer o apoio de patrocinadores e colaboradores porque fan posible a realización deste tipo de eventos que poñen en valor e dignifican a música e o canto do noso país.

Tamén o noso agradecemento ás agrupacións que concursan cada ano, razón da existencia desta convocatoria anual, e, como non, grazas ao público que aposta para que este tipo de actos sirvan de plataforma para a divulgación do noso patrimonio inmaterial, e en particular, da nosa música tradicional.

Comments are closed.